நாற்பதை கடந்து

கஷ்டங்கள் மறந்து வாழ்ந்ததை பார்த்திருக்கீறேன்
குணங்கள் மறந்து வாழ்ந்ததை பார்த்ததில்லை

பொறுமை கொண்டு பார்த்திருக்கீறேன்
கோபம் கொண்டு பார்த்ததில்லை

நீங்கள் கடினமாய் உழைத்து பார்த்திருக்கீறேன்
உழைப்பை கடினமாய் நீங்கள் பார்த்ததில்லை

தோல்விகளை மறந்து பார்த்திருக்கீறேன்
(உதவிய) தோள்களை மறந்து பார்த்ததில்லை

ஆக்கங்களை பேசி பார்த்திருக்கீறேன்
ஆகாததை பேசி பார்த்ததில்லை

நேசம் செய்து பார்த்திருக்கீறேன்
மோசம் செய்து பார்த்ததில்லை

நாற்பதில் தான் வாழ்க்கை ஆரம்பிக்கும்
என்பார்கள்
இனிதாய் ஆரம்பிக்கட்டும் பிறந்த நாள் வாழ்த்துக்கள்

நிறைவேற்றியிருப்பேன்

அம்மா, பட்டுப்பாவடை கட்டிக்கொண்டு உனக்கு
அர்ச்சனை தட்டு தூக்கி வந்து உதவிருப்பேன்

பள்ளி முடிந்து வந்து உன் வீட்டு வேலை சுமையை
நானும் உடன் சுமந்துயிருப்பேன்

உனக்கு உடம்பு சரியில்லாமல் போகும் போது அப்பாவுக்கு
உணவு காய்ச்சி கொடுத்துயிருப்பேன்

கல்லூரியில் முதலாய் வந்து உன்னை
மேடை ஏற்றி கோப்பை வாங்கியிருப்பேன்

வேலைக்கு சென்று அப்பாவின் கடனை
நானும் கொஞ்சம் அடைத்துயிருப்பேன்

இத்தனையும் நிறைவேற்றி இருப்பேன் நீ
கள்ளிப்பால் கலக்காமல் இருந்திருந்தால்

காதலர் தினம்

கண்களில் வித்திட்டு
இதயத்தை அறுவடை செய்யும்
காதல் விவசாயிகளின்
அறுவடை திருநாள்

நான் கடவுள்

நானும் கடவுளும் ஒன்று தான்

சோதனை காலங்களில் வேண்டப்படுகிறோம்

சோதனை முடிந்த பின் மறக்கப்படுகிறோம்

இப்படிக்கு ராணுவ வீரன்

உன் பிரிவால்

மனது சொல்லியது என்னுள் நீ பார்த்து கொள் என்று
கண்கள் கேட்கவில்லை
மனது சொல்லியது என்னுள் நீ கேட்டு கொள் என்று
செவிகள் கேட்கவில்லை
மனது சொல்லியது என்னுள் நீ உணர்ந்து கொள் என்று
நெஞ்சம் கேட்கவில்லை
தேற்றிய மனது கலங்கி நின்றது
மனது கேட்காமல்

இடம்

மகன் கம்ப்யூட்டர் இஞ்சீனியர்
இடம் அமெரிக்கா
மகள் டாக்டர்
இடம் லண்டன்
பெருமையுடன் தாய்
இடம் முதியோர் இல்லம்

நினைப்பு

தாயத்து கட்டினால்

லட்சங்கள் கிடைக்கும்

அவன் நினைப்பு

விற்றால்

அடுத்த வேளை சோறு

தாயத்து கிழவியின் நினைப்பு