நிறைவேற்றியிருப்பேன்

அம்மா, பட்டுப்பாவடை கட்டிக்கொண்டு உனக்கு
அர்ச்சனை தட்டு தூக்கி வந்து உதவிருப்பேன்

பள்ளி முடிந்து வந்து உன் வீட்டு வேலை சுமையை
நானும் உடன் சுமந்துயிருப்பேன்

உனக்கு உடம்பு சரியில்லாமல் போகும் போது அப்பாவுக்கு
உணவு காய்ச்சி கொடுத்துயிருப்பேன்

கல்லூரியில் முதலாய் வந்து உன்னை
மேடை ஏற்றி கோப்பை வாங்கியிருப்பேன்

வேலைக்கு சென்று அப்பாவின் கடனை
நானும் கொஞ்சம் அடைத்துயிருப்பேன்

இத்தனையும் நிறைவேற்றி இருப்பேன் நீ
கள்ளிப்பால் கலக்காமல் இருந்திருந்தால்